Қазақстанда 2023 жылы 1,1 миллион тоннадан астам сиыр және қой еті өндірілді, бұл елдің ішкі қажеттілігін толықтай өтейді. Бұл туралы Ауыл шаруашылығы вице-министрі Талғат Кенжеханұлы мәлімдеді, деп хабарлайды barysmedia.com.

“Былтыр ет өндірісі шамамен 4 пайызға, оның ішінде сиыр еті 2 пайыздан астамға өсті. Бұл көрсеткіш халықты сапалы етпен қамтамасыз етуге жеткілікті. Өндіріс көлеміне байланысты қазіргі уақытта ет бағасының қымбаттауына әсер ететін факторлар байқалмайды”, – деді вице-министр Сенат дәлізінде.

Шенеуніктің айтуынша, бұған дейін Өзбекстан тарапынан жоғары сұраныс ет бағасының өсуіне әсер еткен. Алайда, соңғы аптада баға тұрақталып, алдағы уақытта қымбаттау болжанып отырған жоқ.

“Қазіргі уақытта мал өсірушілерге айналым қаражаты үшін 5 пайыздық жеңілдетілген қаржыландыруқарастырылуда. Бұл шара отандық ет өндірісін ынталандыруға мүмкіндік береді. Қазіргі таңда сиыр етінің орташа бағасы 2700-3000 теңге шамасында“, – деп нақтылады вице-министр.