Ұлытау облысы Жаңаарқа ауданындағы “Қазақмыс” корпорациясына қарасты “Жомарт” кенішіндегі шахтада тау-кен массасы опырылды. Құтқарушылар жеті жұмысшының денесін тапты, деп хабарлайды barysmedia.com.

Төтенше жағдайлар министрлігі “Жомарт” кенішінде іздестіру-құтқару жұмыстарының нәтижелері туралы ресми мәлімет жариялады.

“Қазақмыс корпорациясы” ЖШС-не тиесілі кеніште іздестіру барысында жеті қызметкердің денесі табылды. Олардың жеке басын анықтау жұмыстары жүргізілуде. Қайтыс болған жұмысшылардың денелері жоғарыға көтеріліп, сот-медициналық сараптама жүргізу үшін полиция қызметкерлеріне тапсырылды”, – делінген хабарламада.

2025 жылғы 17 ақпанда “Жомарт” кенішінде тау-кен массасы опырылып, шахтада жұмыс істеп жатқан жеті қызметкер үйінді астында қалды.
⚡ Кабельдердің үзілуіне байланысты жұмысшылармен байланыс үзілді.

🔹 Құтқару жұмыстарына Ұлытау және Қарағанды облыстарының ТЖД күштері, Апаттар медицинасы орталығының қызметкерлері, ТЖМ психологтары жұмылдырылды.
🔹 Апаттың себептерін тексеру және зардап шеккендерге көмек көрсету мақсатында Премьер-министр Олжас Бектеновтің тапсырмасымен арнайы комиссия құрылды.
🔹 Комиссияны Премьер-министрдің орынбасары Қанат Бозымбаев басқарады.

📍 Кеніш Жезқазған қаласынан оңтүстік-шығысқа қарай 130 шақырым жерде орналасқан.
⚒ “Жомарт” кенішінде мыс сульфиді өндіріледі.
🏢 “Қазақмыс” корпорациясының ірі акционері – Kazakhmys Copper.

Оқиғаның толық мән-жайы анықталуда.